राष्ट्रिय वाणिज्य बैंकद्वारा थप सात शाखा विस्तार, शाखा कार्यालयको संख्या २५४ पुग्यो

खबर कुरा
१९ आश्विन २०७८, मंगलवार
                 

काठमाडौं । राष्ट्रिय वाणिज्य बैंक लिमिटेडले थप सात नयाँ शाखा कार्यालयहरु विस्तार गरेको छ ।

बाग्मती प्रदेशअन्तर्गत काठामाडौंको चन्द्रागिरीस्थित बलम्बु, कागेश्वरी मनोहरास्थित थली, ललितपुरको गोदावरीस्थित ठैव, भक्तपुरको कमलविनायक, चितवनको माडी, सिन्धुपाल्चोकको चौतारा साँगाचोकगढीमा बैंकले शाखा विस्तार गरी कारोबार शुभारम्भ गरेको हो ।
यसैगरी बैंकले लुम्बिनी प्रदेशमा प्युठानको सदरमुकाम मल्लरानीमा पनि शाखा विस्तार गरी कारोबार शुभारम्भ गरेको छ ।

यसपछि बैंकको शाखा कार्यालयहरुको संख्या २५४ पुगेको छ । बैंंकका प्रमुख कार्यकारी अधिकृत किरणकुमार श्रेष्ठले शाखा विस्तारबाट सर्वसाधारण एवं व्यवसायी उद्यमीहरुको वित्तीय पहुंचमा थप सघाउ पुगि आधुनिक बैंकिङ्ग सेवा पाउने विश्वास व्यक्त गरे ।

बैंकको सातै प्रदेश, ७७ वटै जिल्लामा २५४ वटा शाखा कार्यालय, २१६ वटा एटिएम र ९८ वटा शाखा रहित बैंकिङ्ग रहेको छ ।

 

यसमा तपाइको मत

Your email address will not be published. Required fields are marked *


*