आजै साँझसम्म मन्त्रीहरुको सपथग्रहण हुन्छ : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आजै मन्त्रिपरिषद् विस्तार हुने बताएका छन् ।

बिहीबार बिहान राजधानीमा टिभी पंचली एटकेको उद्घाटन कार्यक्रममा अध्यक्ष प्रचण्डले आज साँझसम्म मन्त्रिपरिषद् विस्तार भैसक्ने बताएका हुन् । प्रचण्डले आजै साँझ मन्त्रीहरुको सपथग्रहण हुने बताए ।

माओवादीले सरकारमा पठाउने मन्त्रीहरुको नाम बुधबार मात्रै टुंगो लगाएको थियो । अध्यक्ष प्रचण्डले समावेशीताको आधारमा मन्त्रीहरुको छनौट गरिएको बताए । उनले पिछडिएको वर्ग समुदायलाई अगाडि बढाउने प्रयास गरेको बताए । सबै उत्पीडित समुदायलाई, विशेष गरी महिलालाई, अगाडि ल्याउन नयाँ प्रयास गरेको अनुसार पार्टीको तर्फबाट मन्त्रिपरिषद्मा ५० प्रतिशत महिलालाई पठाउने निर्णय गरेको उनले स्पष्ट पारे ।