बुटवल । रुपन्देही उद्योग संघको अधिवेशन पूर्व अध्यक्षहरुको समुहले प्रस्ताव गरेको अध्यक्ष सहितको अधिकांस प्यानलका पदाधिकारी तथा सदस्यहरु निर्विरोध निर्वाचित भएका छन् । पूर्व अध्यक्षहरुकै प्रस्तावमा अध्यक्ष छानिएका माधव पौडेल अध्यक्ष पदमा निर्बिरोध निर्वाचित भएका छन् भने अधिकांस पदाधिकारी र सदस्यहरुमा पनि सर्वसम्मत भएको छ ।
संघको निर्वाचन कार्यक्रम अनुसार असोज २१ गते मनोनयन पत्र दर्ता गर्ने समय राखिएकोमा संघको अध्यक्ष पदमा माधव पौडेल सहित अधिकांश पदहरुमा एकल उम्मेदवारी परेको भए पनि महासचिव र सचिव पदमा भने २-२ जनाको उम्मेदवारी परेको छ ।
निर्वाचन आयोगका अनुसार महासचिव पदमा हरि बहादुर खत्री र माया खनालको उम्मेदवारी परेको छ भने सचिव पदमा बसन्त ढकाल र यमलाल भटराईको उम्मेदवारी परेको छ। खत्री बर्तमान कार्यसमितीमा कोषाध्यक्ष छन भने खनाल महिला सचिवको जिम्मेवारीमा थिईन्। त्यसैगरी ढकाल र भट्टराई दुवै कार्यसमिती सदस्य हुन्।
बरिष्ठ उपाध्यक्ष पदमा दिलिप सापकोटा, प्रथम उपाध्यक्ष पदमा कृष्ण प्रसाद पराजुली र द्धिप्तीय उपाध्यक्ष पदमा जिबकान्त काफ्लेको मात्रै एकल उम्मेदवारी परेको निर्वाचन आयोगले जानकारी दिएको छ । त्यसैगरी महिला सचिव पदमा मन्जु भुसाल र सहकोषाध्यक्ष पदमा सुरेन्द्र ज्ञवालीको मात्र उम्मेदवारी परेको छ।
आयोगका अनुसार आजिबन सदस्य तर्फ माधव नेपाल संस्थागत सदस्य तर्फ अशोक कुंवर, महिला सदस्यतर्फ सारदा भटराई र मिना थापा बुटवल औद्योगिक क्षेत्रबाट कमल ज्ञवालीको मात्रै एकल उम्मेदवारी परेका छन।
त्यसैगरी खुल्ला तर्फ रहेको ८ जना खुल्ला सदस्यका लागि ८ जनाको मात्रै उम्मेदवारी परेको छ । खुल्ला सदस्यहरुमा प्रेम आले,लाल प्रसाद बस्याल,राजु घिमिरे,बल बहादुर गोदार, चन्द्रकान्त खनाल, गोबिन्द भुसाल,लाल बहादुर थापा र नेत्र रुचालले उम्मेदवारी दिएका छन। भने बुटवल उपमहानगर पालिकाबाट लालहरी पाण्डे र जमुना पोखरेल तिलोत्तमा नगरपालिकाबाट बिशाल बेल्वासेले उम्मेदवारी दिएका छन्।
रुपन्देही उद्योग संघको ४३ औ साधारणसभा तथा २२ औ अधिवेशनका सन्दर्भमा संघको आगामी नेतृत्वका लागि असोज २१ गते उम्मेदवारी मनोनयनको तालिका र २३ गते निर्वाचनको कार्यक्रम रहेको छ ।
प्रतिक्रिया