रुपन्देही उद्योग संघमा सबै पदहरु निर्विरोध, शनिबार एमाले उप महासचिव विष्णु पौडेलले २२ औ अधिवेशनको उदघाटन गर्दै

बुटवल । अन्ततः रुपन्देही उद्योग संघको २२ औ अधिवेशनमा निर्वाचन नहुने भएको छ । पूर्व अध्यक्षहरुको समुहले बनाएको प्यानलका विरुद्ध २ वटा पदमा उम्मेदवारी दिएका दबै जनाले उम्मेदवारी फिर्ता गर्ने घोषणा गरेपछि संघमा निर्वाचन नहुने भएको हो ।

पूर्व अध्यक्षहरुले तयार पारेको सर्वदलीय प्यानलका विरुद्ध महासचिव पदमा माया खनाल र सचिव पदमा यामलाल भट्टराईले उम्मेदवारी दिएका थिए । प्यानलको महासचिव हरिबहादुर खत्रीका विरुद्ध माया खनाल र सचिव पदमा उम्मेदवार बसन्त ढकालका विरुद्ध यामलाल भट्टराईले उम्मेदवारी दिएका थिए ।

पूर्व अध्यक्षहरुले उम्मेदवारी छनौटमा भएको कमी कमजोरी स्विकार गरेर अवका दिनमा अवसर दिने आश्वासन दिएका कारण आफुले उम्मेदवारी फिर्ता लिएको महासचिव पदका उम्मेदवार माया खनालले बताइन् । अग्रजहरुले अन्याय गर्नु भएको थियो, छलफलमा अन्याय भएको कुरा स्विकार गरेपछि उम्मेदवारी फिर्ता लिइयो । उनले भनिन् , कोरोना महामारीमा निर्वाचनमा जाँदा थप जोखिम हुने भएकाले पनि सर्वसम्मतको पक्षमा उभिनुपरेको हो ।

सचिव पदमा उम्मेदवार यामलाल भट्टराईले पनि उद्योग संघको नेतृत्वमा केही समस्याहरु रहेको र आगामी दिनमा समास्या समाधान गर्दै सबैले समेटेर लैजान अग्रज उद्योगीहरु सहमत भएपछि उम्मेदवारी फिर्ता लिएको बताए ।

शनिबार हुने संघको २२ औ अधिवेशनबाट आगामी कार्यकालका लागि माधव पौडेलको अध्यक्षतामा नयाँ नेतृत्व सर्वसम्मत चयन हुने भएका छन् । अधिवेशनको एमाले उपमहासचिव विष्णु पौडेलले उदघाटन् गर्ने छन् ।