एजेन्सी । सिरियाको उत्तरी शहर अफ्रिनमा भएको कार बम विष्फोटमा ६ जनाको मृत्यु भएको छ । सोमबार भएको कार बम विस्फोटमा टर्की समर्थित एक विद्रोही लडाकुसहित छ जनाको मृत्यु भएको हो ।
टर्की समर्थक विद्रोहीहरूद्वारा आक्रमण हुने अन्य क्षेत्रहरू जस्तै अफ्रिनमा पनि हत्या, बम विस्फोट र गोली प्रहारका घटनाहरु बढ्दै गएका छन ।
बेलायतस्थित सिरियन अब्जरभेटरी फर ह्युमन राइट्सले बताएअनुसार सोमबार विद्रोहीको नियन्त्रणमा रहेको शहरको बीच भागमा सर्वसाधारणको भिड लागेको क्षेत्रमा विस्फोटक पदार्थले भरिएको गाडी विस्फोट गराइएको थियो ।
अब्जरभेटरीको रिपोर्ट अनुसार शहरको मध्य भागमा रहेको स्थानीय बजार र सेनाको पोस्ट नजिक जैस अल इस्लाम रिबेल ग्रुप नामक आतंकवादी समूहले कारबम विष्फोट गराएको हो । घटनास्थलमा दुई सर्वसाधारण र एक आतंकवादीको मृत्यु भएको थियो भने अन्य १२ जना घाइते भएका थिए ।
अफ्रिनको स्थानीय प्रहरीले घटनामा संलग्न रहेको आशंकामा दुई जना युवकलाई गिरफ्तार गरेको फ्रान्स ट्वान्टी फोरले जनाएको छ ।
प्रतिक्रिया