सानदार जितसँगै जर्मनी विश्वकप फुटबलका छनोट

खबर कुरा
२६ आश्विन २०७८, मंगलवार
                 

काठमाडौं । जर्मनीले फिफा विश्वकप तथा युरोपेली छनोटमा म्यासेडोनियाविरूद्ध सानदार जित दर्ता गरेको छ । सोमबार राति जर्मनीले घरेलु टोली नर्थ म्यासेडोनियालाई ४-० गोल अन्तरले पराजित गरेको हो ।

जर्मनीको फराकिलो जितमा टिमो वेर्नरले दुई गोल गर्दा काई हाभर्टज र जमल मुसियालाले समान एक गोल गरे । खेलको ५० औं मिनेटमा काई हाभर्टजको गोलबाट जर्मनीले अग्रता लिएको हो । ७०औं मिनेटमा टिमो वेर्नरले गोल गर्दै जर्मनीको अग्रता दोब्बर पारे । त्यसको तीन मिनेटपछि नै वेर्नरले व्यक्तिगत दोस्रो तथा टोलीका लागि तेस्रो गोल गरे ।

८३ औं मिनेटमा जमन मुसियालाले गोल गर्दै जर्मनीलाई ४-० को फराकिलो जित दिलाए । जितसँगै समूह ‘जे’ मा जर्मनी ८ खेलबाट २१ अंक जोडेर शीर्षस्थानमा यथावत छ । पराजित म्यासेडोनिया १२ अंक जोडेर तेस्रो स्थानमा छ ।

योसँगै जर्मनी फिफा विश्वकप कतार २०२२ मा छनोट हुने पहिलो राष्ट्र बनेको छ । जर्मनीले अब अर्मेनिया र लिचेस्टाइनसँग खेल्न बाँकी छ । यि दुवै खेलमा आर बेहोरेपनि जर्मनीलाई दोस्रोमा रहेको टोलीले भेट्न सक्ने छैन ।

यही समूहको अर्को खेलमा आइसल्यान्डले लिचेस्टाइनलाई ४-० को भारी अन्तरले पराजित गरेको छ । यस्तै रोमानियाले अर्मेनियालाई १-० ले पराजित गरेको छ ।

यसमा तपाइको मत

Your email address will not be published. Required fields are marked *


*