सुर्खेत । कर्णाली प्रदेश अन्तर्गन बिभिन्न पालिकाका इन्जिनियरहरुलाई मुल्य सार्थकता ब्यवस्थापन सुचना प्रणाली सोलिस्टिकको अभिमुखिकरण तालिम प्रदान गरिएको छ । उनीहरुलाई बहुउपयोगी तथा प्रकृतिमा आधारीत योजनाहरुको डिजाइनलाई जिआइएस प्रबिधि वातावरण सम्बन्धि तालिम प्रदान गरिएको हो । नेपाल जलवायु परिवर्तन सहयोग कार्यक्रमको प्राबिधिक सहायता सस्था मोटम्याकडोनाल्ड लिमिटेडले कर्णाली प्रदेशका गाउपालिका तथा नगरपालिकामा कार्यरत इन्जिनियरहरुलाई तालिम प्रदान गरेको थियो । ६ दिन सम्म प्रदेश राजधानी सुर्खेतमा संचालन भएको तालिममा नगरपालिका तथा गाउपालिकामा कार्यरत ४ महिला र १८ पुरुष प्राविधिकहरुको सहभागीता रहेको नेपाल जलबायु परिबर्तन सहयोग कार्यक्रमका सिनियर इन्जिनियर निराजन श्रेष्ठले जानकारी दिए ।
तालिममा जलबायु परिवर्तनले पारेको कारण सिर्जित समस्या लाई वातावरण मैत्री उत्थानसिल योजना कसरी बनाउन सकिन्छ ? र मूल्य सार्थकताका हिसाबले स्थानीय अनुकुलन कार्य योजना बमोजिम एनसिसिपि कार्यरत स्थानीय निकायले प्रभावकारी कार्यन्वयन कसरी गर्ने ? भन्ने विषयमा तालिम दिईएको थियो । आगामी दिनमा स्थानीय सरकारले जलवायु परिबर्तन उत्थानसिल योजना लाई मुलप्रवाहिकरण गरी दिर्घकालिन योजना निर्माण अघि बढाउनु पर्ने भएकाले पालिकाका प्राविधिकहरुलाई दक्ष बनाउन तालिम दिइएको सिनियर इन्जिजियर श्रेष्ठले बताए ।
नेपाल जलवायु परिवर्तन सहयोग कार्यक्रमको दोश्रो चरण, कर्णाली प्रदेशको २४ स्थानीय निकायमा सञ्चालनमा रहेको छ भने २ वटा सुदुरपश्चिमका स्थानीय तहमा पनि सञ्चालित छन् । यसै वर्षदेखि लुम्बिनि प्रदेशको राजापुर नगरपालिका र गढबा गाउपालिका , रोल्पाको थवांग गाउपालिका र सुदुरपश्चिमको टिकापुर नगरपालिकामा कार्यक्रम सफलता पूर्वक सम्पन्न भएको श्रेष्ठले दाबी गरे ।
तालिमको समापन गर्दै कर्णाली प्रदेशका उद्योग, पर्यटन, वन तथा वातावरण मन्त्री नन्दसिंह बुढाले सहभागीहरुले प्रशिक्षणमा पाएको ज्ञानलाई आफ्नो पेशागत जीवनमा धेरै प्रभावकारी र फलदायी बनाउन सक्ने बताए ।
प्रतिक्रिया