आइसीसी टी-ट्वान्टी विश्वकप क्रिकेटमा ओमान र स्कटल्याण्डको विजयी शुरुवात

खबर कुरा
१ कार्तिक २०७८, सोमबार
                 

काठमाडौं । आइसीसी टी-ट्वान्टी विश्वकप क्रिकेट अन्तर्गत पहिलो चरणमा ओमान र स्कटल्याण्डले विजयी शुरुवात गरेका छन् ।

आइतबार सम्पन्न खेलमा ओमानले पपुवा न्यूगिनीलाई १० विकेटले पराजित गरेको छ । पपुवा न्युगिनीले दिएको १३० रनको लक्ष्य पछाएको ओमानले १३.४ ओभरमा कुनै विकेट नगुमाएर लक्ष्य पुरा गरेको थियो ।

त्यस्तै दोस्रो खेलमा स्कटल्याण्डले बंगलादेशलाई ६ रनले पराजित गरेको छ । स्कटल्याण्डले दिएको १४१ रनको लक्ष्य पछाएको बंगलादेशले २० ओभरमा ७ विकेट गुमाउदै १३४ रन मात्र बनाएपछि खेल ६ रनले गुमाएको हो ।

पहिलो चरणको समुह बि मा रहेका ओमान र स्कटल्याण्डले २-२ अंक हासिल गरेका छन् । आज समुह ए अन्तर्गत आयरल्याण्ड र नेदरल्याण्डबीच तथा श्रीलंका र नामिबियाबीच खेल हुने छ ।

यसमा तपाइको मत

Your email address will not be published. Required fields are marked *


*