कार्यालय खोलियो : कार्यादेश नदिँदा तलब बुझ्दै, कार्यालय कुर्दै कर्मचारी, सेवाग्राही मारमा

खबर कुरा
२ कार्तिक २०७८, मंगलवार
                 

जाजरकोट । आफ्नै घर, आँगनमा यातायात कार्यालय भए पनि काम लिनका लागि सुर्खेत, नेपालगञ्ज र दाङ जानुपर्ने बाध्यता रुकुम पश्चिम तथा जाजकोटका बासिन्दालाई छ ।

रुकुम पश्चिमको चोरजहारीमा यातायात व्यवस्था सेवा कार्यालय स्थापना गरेको २ वर्ष पुगे पनि कार्यादेश नपाउँदा कर्मचारीहरु प्रत्येक महिनाको तलब बुझेर बस्ने कामबाहेक अरु काम नहुने गरेको निमित्त कार्यालय प्रमुख प्रदीपकुमार रेग्मीले बताए । २६ भदौ २०७६ मा स्थापना भएको यस कार्यालयबाट काम नपाउँदा दिनभरी कार्यालय कुरेर कोठा जानुपर्ने बाध्यता आइलागेको रेग्मीले बताए ।

उनले भने, ‘कार्यालय खोल्ने, दिनभरि कुर्ने र बन्द गर्ने काम मात्र भइरहेको छ । कार्यालयलाई कार्यादेश नहुँदा कामविहीन हुनुपरेको छ । कार्यालय स्थापना गरियो, कार्यादेश दिइएन । हामी कामका लागि तयार छौँ । ’

काम गर्नका लागि अधिकार पाउन ९कार्यादेश० पटकपटक कर्णाली प्रदेशको यातायात निर्देशनालय, पूर्वाधार कार्यालय, मुख्यमन्त्री कार्यालयलगायतमा आग्रह गरिए पनि सुनुवाइ नभएको कार्यालय प्रमुख रेग्मीले बताए ।

दुई वर्षअघि प्रदेश सरकारले पूर्वाधार मन्त्रालयअन्तर्गत यातायात व्यवस्था सेवा कार्यालय चौरजहारीमा राख्ने निर्णय गरेको थियो । अहिले यातायात कार्यालयको काम सुर्खेत र जुम्लाबाट मात्र भइरहेको छ । कार्यालय खुलेको लामो समय भइसक्दा पनि काम नहुँदा सुर्खेत, नेपालगञ्ज र दाङ जानुपर्ने बाध्यता भएको स्थानीय राज लामिछानेले बताए ।

कार्यालयमा उपसचिवसहित एकरएक प्रशासन अधिकृत, लेखा अधिकृत, २ जना सुब्बा, खरिदार, कम्प्युटर अपरेटर र कार्यालय सहयोगीको दरबन्दी छ । सुरुमा दरबन्दीअनुसारका कर्मचारी कार्यालय पुगेका थिए । अहिले विस्तारै कर्मचारी सरुवा मिलाएर अन्यत्र जाँदा ४ जना कर्मचारी कार्यालयमा कायम रहेको निमित्त कार्यालय प्रमुख रेग्मीले बताए ।

यसमा तपाइको मत

Your email address will not be published. Required fields are marked *


*