१०औं महाधिवेशनमा प्रतिनिधि संख्या १ हजार ९९९ बनाउने एमालेको निर्णय

काठमाडौं । नेकपा (एमाले)ले १० औं राष्ट्रिय महाधिवेशनमा सहभागी हुने प्रतिनिधि संख्या थप गरेको छ ।

ललितपुरको च्यासलस्थित तुल्सीलाल स्मृति प्रतिष्ठानमा शुक्रबार बसेको केन्द्रीय कमिटी बैठकले महाधिवेशनमा प्रतिनिधिससंख्या १ हजार ९९९ बनाउने निर्णय गरेको हो ।
यसअघि बिहीबार बसेको स्थायी कमिटी बैठकले १५ सय ३६ जना प्रतिनिधि बनाउने मापदण्ड बनाएको थियो ।

तर आजको बैठकमा केन्द्रीय सदस्यहरुले प्रतिनिधिको संख्या थप्नुपर्ने माग गरेपछि थपिएको हो ।
बिहीबारको स्थायी कमिटी बैठकले १५ सय ३६ जना प्रतिनिधि बनाउने गरी मापदण्ड तय गरेको थियो ।

बैठकले यहि कात्तिक २७ गते शनिबार एकैदिन देशभका प्रतिनिधि छनोट गर्ने निर्णय गरेको छ ।

एमालेको दशौं महाधिवेशन आगामी मंसिर १० देखि १२गतेसम्म चितवनमा हुँदैछ ।