बढ्यो पेट्रोल डिजेल र मट्टितेलको मुल्य, खाना पकाउने ग्यासमा पनि मुल्य बढ्याे

खबर कुरा
१२ कार्तिक २०७८, शुक्रबार
                 

काठमाडौं । नेपाल आयल निगमले पेट्रोलियम पदार्थको मूल्य वृद्धि गरेको छ । निगमले शुक्रबार एक विज्ञप्ति जारी गर्दै पेट्रोल डिजेल र मट्टितेलको मुल्य बृद्धि गरिएको जानकारी दिएको छ ।

निगमले नयाँ बढाएको मुल्य अनुसार पेट्रोल, डिजेल र मट्टितेलको साबिक बिक्री मूल्यमा प्रति लिटर ३ रुपैयाँले वृद्धि गरिएको हो । नयाँ मुल्य शुक्रबार मध्य राती १२ बजेदेखि लागू हुने विज्ञप्तिमा उल्लेख छ ।

बृद्धि भएको नयाँ मुल्य अनुसार पेट्रोलको खुद्रा बिक्री मूल्य प्रतिलिटर रु १३३, डिजेल–मट्टितेलको मूल्य प्रतिलिटर ११६ पुगेको छ भने खाना पकाउने ग्यासको प्रतिसिलिण्डर ५० रुपैयाँ मूल्य वृद्धि भएको छ । योसँगै खाना पकाउने एलपी ग्यासको मूल्य प्रतिसिलिण्डर १५ सय पुगेको निगमको विज्ञप्तिमा उल्लेख छ ।

त्यस्तै आन्तरिक तथा बाह्य हवाई इन्धनमा साबिकको बिक्री मूल्यमा प्रतिलिटर रु १० ले वृद्धि गरी आन्तरिक हवाई इन्धनको मूल्य प्रतिलिटर ९६ रुपैयाँ पुगेको छ । अन्तर्राष्ट्रिय हवाई इन्धनको मूल्य प्रति किलोलिटर अमेरिकी डलर ८५३ पुगेको छ ।

यसमा तपाइको मत

Your email address will not be published. Required fields are marked *


*