एएफसी यू-२३ छनोट : लेबनानसँग प्रतिस्पर्धा गर्दै नेपाल

खबर कुरा
१४ कार्तिक २०७८, आईतवार
                 

काठमाडौं । एएफसी यू-२३ एसियन कप छनोटको अन्तिम खेलमा नेपालले आज (आइतबार) लेबनानसँग प्रतिस्पर्धा गर्दै छ । ताजिकिस्तानमा जारी प्रतियोगिताको अन्तिम खेलमा नेपाल लेबनानसँग भिड्न लागेको हो ।

रिपब्लिकन सेन्ट्रल स्टेडियममा हुने खेल दिउँसो ४ः४५ बजे सुरु हुनेछ । नेपाल र लेबनान दुबै टिम अघिल्ला दुई खेलमा पराजय भोग्दै प्रतियोगिताबाट बाहिरिसकेका छन् ।

लेबनानविरुद्ध मैदान उत्रँदा नेपाल सान्त्वना जितको खोजीमा हुनेछ । लेबनान पनि नेपाललाई हराएर सुखद अन्त्य चाहन्छ । छनोटको समूह ‘बी’ मा रहेको नेपाल पहिलो खेलमा इरानसँग ४-० गोल अन्तरले तथा दोस्रो खेलमा ताजिकिस्तानसँग ६-० गोलअन्तरले पराजित भएको थियो ।

अंकबिहीन नेपाल समूहको पुछारमा रहेको छ भने लेबनान तेस्रो स्थानमा रहेको छ । ताजिकिस्तान ६ अंकसहित शीर्ष स्थानमा रहँदा समान अंक रहेको इरान इरान दोस्रो स्थानमा छ ।

यस समूहको शीर्ष टोलीले एएफसी यू-२३ एसियन कप खेल्नेछ भने दोस्रो टोली मध्ये उत्कृष्ट चार टोली यू-२३ एसियन कपमा छनोट हुनेछन् ।

उज्वेकिस्तानमा हुने फाइनल चरणको प्रतियोगिता २०२२ को जुन १ देखि १९ सम्म हुने तालिका रहेको छ ।

यसमा तपाइको मत

Your email address will not be published. Required fields are marked *


*