कर्णालीको मुख्यमन्त्रीमा जीवनबहादुर शाहीको दाबी पेश

सुर्खेत । कर्णाली प्रदेशको मुख्यमन्त्रीमा नेपाली कांग्रेसका जीवनबहादुर शाहीले दाबी पेश गरेका छन् ।

सत्तारुढ गठबन्धनको तर्फबाट मुख्यमन्त्री रहेका महेन्द्रबहादुर शाहीले पदबाट राजीनामा गरेपछि कांग्रेसका शाहीले गठबन्धनकै तर्फबाट मुख्यमन्त्रीमा दाबी पेश गरेका हुन् ।

प्रदेशसभामा ६ सदस्य मात्र रहेको कांग्रेस सरकार गठनमा निर्णायक अवस्थामा रहेका कारण निवर्तमान मुख्यमन्त्री शाहीले गत बैशाखमा विश्वासको मत लिने समयमा ६ महिनापछि शाहीलाई सत्ता सुम्पिने सहमति गरेका थिए । सोही सहमतिअनुसार महेन्द्रबहादुर शाहीले राजीनामा दिएपछि जीवनबहादुर शाहीलाई मुख्यमन्त्री बन्ने बाटो खुलेको हो । उनलाई नेपाली कांग्रेसका ६, नेकपा माओवादी केन्द्रका १३ र नेकपा एकीकृत समाजवादीका ३ गरी २१ सांसदले समर्थन गरेका छन् । कर्णाली प्रदेशसभा अहिले ३५ सदस्यीय मात्र रहेको छ ।

शाहीलाई आजै मुख्यमन्त्रीमा नियुक्त गरी राति ८ बजे सपथ ग्रहण गराउने कार्यक्रम रहेको प्रदेश प्रमुखको कार्यालयले जनाएको छ ।