काठमाडौं । सत्तारुढ गठबन्धनका प्रमुख दल नेपाली काँग्रेस र माओवादी केन्द्रले प्रधानन्यायाधीश प्रकरणमा मौनता साँधेपछि गठबन्धनकै अर्कौ दल नेकपा एकीकृत समाजवादीले न्यायालयमा देखिएको समस्या समाधान गर्न गठबन्धनमा छलफल गर्ने निर्णय गरेको छ ।
पार्टीको केन्द्रीय सचिवालयको चौथो बैठकले न्यायपालिकामा देखापरेको समस्याप्रति गम्भीर रूपमा ध्यान दिई उपयुक्त निकास निकाल्न पाँच दलीय
गठबन्धनमा छलफल गर्ने’ निर्णय गरेको हो । गठबन्धनमा समाजवादीसँगै नेपाली कांग्रेस, माओवादी केन्द्र, जनता समाजवादी र राष्ट्रिय जनमोर्चा छन् ।
काँग्रेस र माओवादीकै शैलीमा प्रमुख विपक्षी नेकपा एमालेले पनि प्रधानन्यायाधीश प्रकरणमा आफ्नो स्पष्ट धारणा ल्याउन सकेको छैन ।
प्रधानन्यायाधीश चोलेन्द्रशमशेर राणाका गतिविधिविरुद्ध सर्वोच्च अदालतकै न्यायाधीश छन् । त्यस्तै, नेपाल बार एसोसिएसन पनि जबराको राजीनामा माग्दै चरणवद्ध आन्दोलनमा छ ।
प्रतिक्रिया