रुपन्देहीमा हराएका र चोरी भएका १७ थान मोबाईल प्रहरीबाट बरामद, मोबाईल धनिलाई हस्तान्तरण

बुटवल । रुपन्देही प्रहरीले जिल्लाका विभिन्न स्थानबाट हराएका तथा चोरी भएका मोबाईल बरामद गरि सम्बन्धित मोबाईल धनिहरुलाई हस्तान्तरण गरेको छ । प्हरीले मोबाइल हराएको र चोरी भएको भन्ने उजुरहरुको अनुसन्धान गर्दै हराएका १७ थान मोबाईल फेला पारी सम्बन्धित धनिहरुलाई हस्तान्तरण गरेको हो । फरक फरक मितिमा हराएका १७ वटा मोबाईल फेला पारी मंगलबार सम्बन्धित धनिहरुलाई प्रहरी कार्यालयमा बोलाएर हस्तान्तरण गरिएको प्रहरीले जनाएको छ ।

मोबाइलको आएमईआई नम्बरको आधारमा अनुसन्धान गरी सीमकार्ड राखी प्रयोग गरिएकै अवस्थामा बरामद गरीएको जिल्ला प्रहरी कार्यालय रुपन्देहीका प्रवक्ता डीएसपी सत्यनारायण थापाले जानकारी दिए । मोबाइल हराएका व्यक्तिहरुले प्रहरी कार्यालयमा आएमईआई नम्बरसहित उजुरी दिएका कारण मोबार्इल प्रयोग गरिएको क्षेत्रको लोकेशनका आधारमा फेला पार्न सफलता मिलेको डीएसपी थापाले बताए ।