काठमाडौं । राष्ट्रिय सभा निर्वाचनका लागि निर्वाचन आयोगले आज उम्मेदवारी दर्ता गर्ने भएको छ ।
राष्ट्रिय सभाको निर्वाचन पुस १२ गते हुँदै छ । त्यसका लागि निर्वाचन आयोगले आज बिहान १० देखि अपराह्न ३ बजेसम्म उम्मेदवारी दर्ताको समय तोकेको छ ।
यस पटक राष्ट्रिय सभा निर्वाचनमा भाग लिन १२ दल दर्ता भएका छन् । जसमा नेपाली कांग्रेस, नेकपा (एमाले), नेकपा (माओवादी केन्द्र), नेकपा (एकीकृत समाजवादी), राष्ट्रिय जनमोर्चा, नेपाल लोकतान्त्रिक पार्टी, जनता समाजवादी पार्टी, राष्ट्रिय प्रजातन्त्र पार्टी र नेपाल परिवार दल दर्ता छन् ।
आयोगका अनुसार आज उम्मेदवारी दिएका उम्मेदवारलाई पुस २५ गते चुनाव चिह्न प्रदान गरिनेछ । त्यसपछि माघ १२ गते मतदान हुनेछ ।
राष्ट्रिय सभानमा नेकपा (एमाले) का आठ, नेकपा (एकीकृत समाजवादी) का चार, नेकपा (माओवादी केन्द्र) का चार र नेपाली कांग्रेसका तीन सदस्यको पदावधि फागुन २० गते सकिँदै छ । राष्ट्रिय सभा सदस्यको पदावधि सकिनुभन्दा ३५ दिन अघि नै चुनाव गर्नुपर्ने कानूनी व्यवस्था छ ।
राष्ट्रिय सभा निर्वाचनमा प्रदेश सभा सदस्य र स्थानीय तहका प्रमुख तथा उपप्रमुख मतदान हुन्छ । आयोगका अनुसार दुई हजार २५ मतदाता कायम छन् ।
यसमा प्रदेश सभा सदस्यको मतभार ४८ र स्थानीय तहका प्रमुख तथा उपप्रमुखको मतभार १८ निर्धारण गरिएको छ । सबैभन्दा बढी मतभार प्राप्त गर्ने उम्मेदवार विजयी हुनेछन् ।
प्रतिक्रिया