खजुरा । बाँकेको खजुरामा एकाबिहानै शंकास्पद वस्तु फेला परेको छ । नेपालगन्ज गुलरिया हुलाकी सडक अन्तर्गत खजुराबजार स्थित पेडारी नालाको पुलमाथि शंकास्पद वस्तु फेला परेको प्रहरीले जनाएको छ ।
घटनास्थललाई बिहानैबाट नेपाली सेनाले नियन्त्रणमा लिएर अनुसनधान थालेको बाँकेका प्रहरी प्रवक्ता डीएसपी दीपक पातलीले बताए । उनका अनुसार घटनास्थलमा कुनै पर्चा वा जिम्मेवारी लिउको सामाग्री फेला परेको छैन । ‘पुरानो पुलमाथि कुकर जस्तो देखिने वस्तु फेला परेको छ, सेनाले डिस्पोज गरेपछि के वस्तु हो थाहा होला ।’ डीएसपी पातलीलले भने ।
सुरक्षाकर्मीले अहिले हुलाकी सडक बन्द गरेर अनुसन्धान गरिरहेको छ । नेपालगन्ज गुलरिया सडकमा चल्ने सवारी साधनलाई बैकल्पिक मार्गबाट संचालन गर्न भनिएको छ ।
फोटो : खगेन्द्र दाहाल
प्रतिक्रिया