काठमाडौं । ज्ञानचन्द्र आचार्य बेलायतको लागि राजदूत नियुक्त भएका छन् ।
राष्ट्रपति विद्यादेवी भण्डारीले शुक्रबार आचार्यलाई संयुक्त अधिराज्य (बेलायत) को राजदूतमा नियुक्त गरेकी हुन्।
सरकारले आचार्यलाई राजदूतमा सिफारिस गरेको थियो । त्यसपछि संसदीय सुनुवाइ प्रक्रिया पुरा भएपछि राष्ट्रपतिले संविधानको धारा २८२ बमोजिम आचार्यलाई राजदूतमा नियुक्त गरेको राष्ट्रपति कार्यालयद्वारा जारी विज्ञप्तिमा उल्लेख छ ।
बेलायतमा राजदूत रहेका पूर्वमुख्यसचिव लोकदर्शन रेग्मीलाई फिर्ता बोलाएपछि सो पद हालसम्म रिक्त रहेको थियो ।
प्रतिक्रिया