सेनेगल र इजिप्ट सेमिफाइनलमा

खबर कुरा
१७ माघ २०७८, सोमबार
                 

काठमाडौं । सेनेगल र इजिप्ट आइतबार भएको खेलमा विजयी हुँदै अफ्रिका कप अफ नेसन्सको सेमिफाइनलमा प्रवेश गरेका छन् ।

दुई टोलीको जितसँगै सेमिफाइनल समीकरण समेत पूरा भएको छ । सेनेगल र इजिप्टसँगै आयोजक क्यामरुन र बुर्किना फासो अन्तिम चारमा पुगे ।

आइतबार राती इक्वेटोरियल सेनेगलले गिनीलाई ३-१ ले पराजित गरेको हो । सेनेगलको जितमा फामरा दिधिओउ, चेइखोउ कोउयाटे र एस्माइला सारले गोल गरे । इक्वेटोरियल गिनियाका जान्निक बुयाला सामले एक गोल फर्काएकाद थिए ।

त्यस्तै, इजिप्टले मोरोक्कोलाई २-१ ले पराजित गरेको छ । इजिप्टको जितमा स्टार फरवार्ड तथा कप्तान मोमम्मद सलाह र सब्सिच्युट फरवार्ड ट्राजिग्वेटले एकएक गोल गरे । मोरोक्कोका सोफिएन बोउफलले एक गोल फर्काए । इजिप्टले ९० मिनेटको निर्धारित समयपछी अतिरिक्त ३० मिनेटमा जित पाएको थियो।

अब सेमिफाइनलमा सेनेगल र बुर्किना फासो तथा इजिप्ट र आयोजक क्यामरुन फाइनल प्रवेशका लागि खेल्नेछन् ।

यसमा तपाइको मत

Your email address will not be published.


*