काठमाडौं । छिमेकी मित्रराष्ट्र चीनको राजधानी बेइजिङमा आजबाट २४औं शीतकालिन (विन्टर ओलम्पिक) सुरु हुँदै छ ।
नेपाली समयअनुसार साँझ पौने ६ बजे विश्व खेलकुदको महाकुम्भको औपचारिक उद्घाटन हुँदैछ । कोरोनाभाइरसको महामारीबीचमा उच्च सुरक्षा सतर्कता साथ प्रतियोगिताको केही खेलहरू बुधबारबाट सुरु भइसके पनि औपचारिक उद्घाटन भने आज हुन लागेको हो । उद्घाटन सत्रमा भाग लिन विश्वका कैयौं मुलुकका राष्ट्र प्रमुख, सरकार प्रमुख र उच्च कुटनीतिक अधिकारीहरु बेइजिङ पुगिसकेका छन् ।
९१ राष्ट्रको सहभागी रहने विन्टर ओलम्पिकमा झण्डै तीन हजार खेलाडीले प्रतिस्पर्धा गर्दैछन् । अमेरिका र उसको धुरीमा रहेका केही देशले भने खेललाई राजनीतिकरण गर्दै उद्घाटन सत्रलाई कुटनीतिकरुपमा बहिष्कार गरेका छन् ।
हिउँमा खेलिने खेलमा १०९ स्वर्ण पदकको लागि विभिन्न देशका खेलाडीहरुबीच प्रतिस्पर्धा हुनेछ । विन्टर ओलम्पिक २० फेब्रुअरी २० तारिखसम्म आयोजना हुनेछ ।
प्रतिक्रिया