काठमाडौं । चर्चित होटल व्यवसायी राधेश्याम सर्राफको मृत्यु भएको छ ।
नेपालमा दुई वटा पाँच तारे याक एण्ड यति र ह्यातसहित भारत र अन्य मुलुकमा समेत होटल व्यवसाय संचालन गरेका सर्राफको ९२ वर्षको उमेरमा सोमबार राति निधन भएको हो ।
दिल्लीस्थित मेदान्त अस्पतालमा निधन भएका सर्राफको बुधबार बिहान पशुपति आर्यघाटमा अन्तिम संस्कार गरिएको छ ।
सन् १९३० मा जन्मिएका सर्राफले १७ वर्षको उमेरदेखि होटल व्यवसायमा प्रवेश गरेका थिए । सर्राफलाई नेपाल र भारतमा होटल व्यवसायमा पायोनियर मानिन्छ ।
भारतमा कलकत्ता, सिकिकम हुँदै भुटानमा समेत पुगेर होटल खोलेका सर्राफले न नेपालमा सन १९७७ मा काठमाडौंको दरबारमार्गमा याक एण्ड यति होटल संचालनमा ल्याएका थिए । सर्राफकै समुहले सन् १९९७ मा बौद्धमा हायात रिजेन्सी होटल स्थापना गरेको थियो ।
प्रतिक्रिया