काठमाडौंं । एमाले अध्यक्ष केपी ओलीको गिरफ्तारी विरूद्ध नेकपा (एमाले) निकट विभिन्न भातृ संगठनहरूले माइतीघर क्षेत्रमा प्रदर्शन शुरू गरेका छन्। २३ वटा भातृ संगठनहरूले गरेको संयुक्त प्रदर्शनले त्यस क्षेत्रको ट्राफिक व्यवस्थापन अस्तव्यस्त बनेको छ ।
अध्यक्ष पक्राउ विरुद्ध सडकमा उत्रेका एमाले कार्यकर्ताहरुले सरकार र गृहमन्त्री विरुद्ध उग्र नारा लगाइरहेका छन् । प्रहरीको अवरोधका बावजुद प्रहरीको घेरा तोड्दै प्रदर्शनकारीहरू नयाँ बानेश्वरतर्फ अघि बढ्न खोजिरहेका छन्। सो क्षेत्रमा प्रहरीको ठुरो संख्यामा तैनाथी बढाइएको छ ।
माइतीघरबाट नयाँ बानेश्वरतर्फ अघि बढेको जुलुस बबरमहल पुगेपछि कार्यकर्ताहरूले सडकमै टायर बालेर यातायात अवरुद्ध पारेका छन्। सरकारविरुद्ध चर्को नाराबाजी गर्दै उनीहरूले आफ्ना अध्यक्षलाई तत्काल रिहा गर्न माग गरिरहेका छन्।
एमाले अध्यक्ष ओली र नेपाली काँग्रेसका नेता रमेश लेखकलाई प्रहरीले आज बिहानै गिरफ्तार गरेको थियो ।
प्रतिक्रिया