बुटवल । पोखरामा सम्पन्न मनुश्री/बिग्नाश्री जेटिआई खुल्ला जुनियर टेनिस प्रतियोगिता २०२२ मा बुटवलका जुनियर खेलाडीहरुले ६ पदक हात पारेका छन ।
मनुश्री/बिग्नाश्रीको सहयोगमा कास्की जिल्ला लन टेनिस संघको आयोजनामा विहिबार भएको अन्तिम दिनको खेलमा १ स्वर्ण, दुई रजत र ३ कास्य पदक हात पारेका छन ।
प्रतियोगिता अन्तरगत १२ वर्षमुनि उमेर समुहमा बिज्रेश अर्यालले स्वर्ण पदक हात पारेका छन । यसैगरि ९ वर्ष मुनि उमेर समहमा निश्चल ज्ञवाली र १० वर्ष मुनिमा संघणै फौदारले रजत पदक हात पारेका छन ।
प्रतियोगिताकै ८ वर्ष मुनि उमेर समुहमा निर्जल टण्डन, ९ वर्ष मुनि उमेर समुहमा संघर्ण फौदार र १० वर्ष मुनि उमेर समुहमा सन्दिप जिसिले कास्य पदक हात पारेका छन ।
सबै खेलाडीहरु बुटवलस्थित न्यु होराईजन बोर्डिङ स्कुलमा अध्ययरत छन । नियमित अभ्यासको कारण रुपन्देहीका जुनियर खेलाडीको प्रदर्शन राम्रो रहेको प्रशिक्षक विकास खड्काले बताए ।
चैत ७ गतेबाट शुरु भएको प्रतियोगितामा देशभरबाट १ सय ३५ जना सहभागी रहेका थिए । एक समारोहका बिच विजेता, उपविजेता खेलाडीहरुलाई मन्जुश्री बिग्नाश्रीका संरक्षक कुमार मन बहादुर शाही, कास्की जिल्ला लन टेनिस संघका उपाध्यक्ष नबिन चालिसेले पुरस्कार वितरण गरेका थिए ।
प्रतिक्रिया