नेपालको अर्थतन्त्रमा संकट आएको छैन : अर्थमन्त्री शर्मा

काठमाडौं । अर्थमन्त्री जनार्दन शर्माले नेपालको अर्थतन्त्रमाकुनै संकट नआएको बताएका छन् । अर्थमन्त्रालयमा आज विशेष पत्रकार सम्मेलनमा बोल्दै मन्त्री शर्माले जनतालाई हतोत्साहित हुने गरि अर्थतन्त्रका विषयमा हल्ला मच्चाईएको आरोप लगाए ।

उनले अर्थतन्त्रलाई स्वाभाविकरुपमा चल्न दिनु पर्ने उल्लेख गर्दै सरकारले यस्का उपायहरु खोजिरहेको जानकारी दिए । वर्तमान अवस्थामा संकट आईनसकेपनि सचेत हुने अवस्था भने आएको अर्थमन्त्री शर्माको भनाई छ ।

उनले सार्वजनिक ऋण वाञ्छित सीमाभित्रै रहेको बताउँदै नेपालको कुल सार्वजनिक ऋण १८ खर्ब ५४ अर्ब मात्रै रहेको जानकारी दिए । यो कुल गाहस्थ्र्य उत्पादनको ४३.४ प्रतिशत हुने पनि उनले बताए । जुन दक्षिण एसियाको अन्य मुलुकको तुलनामा न्युन भएको अर्थमन्त्रीको दावी छ ।