काठमाडौंको मेयरमा एमालेबाट केशव स्थापित र उपमेयरमा सुनिता डंगोलद्वारा उम्मेदवारी दर्ता

काठमाडौं । काठमाडौं महानगरपालिकाको मेयरमा नेकपा एमालेबाट केशव स्थापित उम्मेदवारी दर्ता गराएका छन् ।

यस्तै उपमेयरमा सुनिता डंगोलले पनि एमालेबाट उम्मेदवारी दर्ता गराएकी छिन् ।

रत्नपार्क शान्तिबाटिकामा जम्मा भएका एमालेका नेता कार्यकर्तासहितको जलुससहित राष्ट्रियसभास्थित मुख्य निर्वाचन अधिकृतको कार्यालयमा पुगेर उनीहरुले उम्मेदवारी दर्ता गराएका हुन् ।
एमालेले दुई दिनअघि मात्र स्थापित र डंगोललाई मेयर र उपमेयरको उम्मेदवार बनाउने निर्णय गरेको थियो ।
स्थापितले यसअघि पनि काठमाडौं महानगरको नेतृत्व गरेका छन् । २०५४ सालको स्थानीय निकाय निर्वाचनमा स्थापित मेयरमा विजयी भएका थिए । यस्तै, ज्ञानेन्द्र शाहको शासन कालमा पनि उनी मेयरमा मनोनित भएका थिए ।

मिस नेवाः २०२१ डंगोल स्वतन्त्र रुपमा मेयरमा घोषणा गरेकी थिइन । पछि उनी अध्यक्ष केपी शर्मा ओली निवास बालकोट पुगेर छलफल गरेपछि उनलाई एमालेले उपमेयर बनाउने निर्णय गरेको थियो ।