काठमाडौं । नेपाल प्रहरीको महानिरीक्षक (आईजीपी) नियुक्तिमा असन्तुष्ट रहेका एआईजी विश्वराज पोखरेल सर्वोच्च अदालतमा रिटसहित पुगेका छन् ।
आईजीपीमा मुख्य दाबेदार मानिएका पोखरेललाई सरकारले नियुक्त नगरेपछि त्यसविरुद्ध उनी सर्वोच्च पुगेका हुन । सरकारले विधि र प्रक्रिया मिचेर आईजीपी नियुक्त गरेको भन्दै पोखरेल अदालतको शरणमा पुगेका हुन् । पोखरेलको रिट निवेदन सुनिता रावतको वारेसनामामा सर्वोच्चमा दर्ताका लागि पुगेको छ । रिट दर्ता भैसकेको छैन ।
सरकारले आइतबार एआईजी धिरजप्रताप सिंहलाई नेपाल प्रहरीको नयाँ आईजीपीमा नियुक्त गरेको थियो । गृहमन्त्रालयमा आयोजित विशेष समारोहमा नवनियुक्त आईजीपी सिंहलाई गृहसचिव टेकनारायण पाण्डेले आजै बिहान फुली लगाइसकेका छन् ।
प्रतिक्रिया