आइपिएल : बेंग्लोरसँग चेन्नई १३ रनले पराजित

खबर कुरा
२२ बैशाख २०७९, बिहीबार
                 

काठमाडौं । इन्डियन प्रिमियर लिग (आइपिएल) मा गएराति भएको खेलमा रोयल च्यालेञ्जर्स बेंग्लोर विजयी भएको छ ।

बेंग्लोरले चेन्नई सुपर किङ्ग्सलाई १३ रनले पराजित गरेको हो । बेंग्लोरले दिएको १७४ रनको लक्ष्य पछ्याउने क्रममा चेन्नईले आठ विकेट गुमाएर १६० रन मात्र बनायो । चेन्नईका डेभोन कोन्वेले ५६ रन बताए ।

बेंग्लोरका हर्सल पटेलले तीन र ग्लेन म्याक्स्वेलले दुई विकेट लिए ।

यसअघि ब्याटिङ गरेको बेंग्लोरले आठ विकेट गुमाएर १७३ रन बनाएको थियो । बेंग्लोरका महिपाल लोमरोरले ४२, फाप डु प्लेसिसले ३८ र विराट कोहलीले ३० रन बताए ।

चेन्नईका महिशले तीन र मोइन अलीले दुई विकेट लिए ।

यो जितसँगै बेंग्लोरले ११ खेलमा १२ अङ्क जोडेर अङ्क तालिकाको चौथो स्थानमा उक्लिएको छ । चेन्नई १० खेलमा ६ अङ्कका साथ नवौँ स्थानमा छ ।

यसमा तपाइको मत

Your email address will not be published.


*