नेपालगन्ज । बाँकेको कोहलपुरबाट माओवादी र एकीकृत समाजवादीको गठबन्धनले विजयीको खाता खोलेको छ । कोहलपुर नगरपालिकामा गठबन्धनको प्यानल नै विजयी भएका छन् ।
कोहलपुर नगरपालिका वार्ड नम्बर १ मा ७२४ मत ल्याएर माओवादी केन्द्रका बद्रि प्रसाद जैसी विजयी भएका छन् । उनीसंगै वडाका सबै पदहरु माओवादीले जित्न सफल भएको छ ।
कोहलपुरको पछिल्लो परिणाम अनुसार नगर प्रमुख पदमा पनि गठबन्धनबाट माओवादी केन्द्रका उम्मेदवार नरेन्द्र न्यौपानेले अग्रता लिएका छन् । उनले ९२५ मत प्राप्त गरेका छन् । उनलाई एमाले खिलप्रसाद भुसालले ५२० मतका साथ पछ्याईरहेका छन् ।
त्यसैगरि उप प्रमुखमा एमालेकी उम्मेदवार अस्मिता कुमारी थारुले ६०८ मतका साथ अग्रता लिएकी छन् भने उनलाई गठबन्धनमा एकीकृत समाजवादी उम्मेदवार नारायणी ओलीले ५३८ मतका साथ पछ्याईरहेकी छन् ।
कोहलपुरमा वडा अध्यक्षमा निकटम प्रतिद्वन्दी एमालेका रुद्र प्रसाद खनालले ६४८ मत ल्याएका थिए ।
प्रतिक्रिया