प्रधानमन्त्री देउवाद्वारा लुम्बिनीमा बौद्ध सम्मेलन तथा ध्यान केन्द्रको उद्घाटन

बुटवल । प्रधानमन्त्री शेरबहादुर देउवाले लुम्बिनीमा निर्माण गरिएको अन्तराष्ट्रिय बौद्व सम्मेलन तथा ध्यान केन्द्रको उद्घाटन गरेका छन् ।

सोमबार बिहान आयोजित एक समारोहका बीच प्रधानमन्त्री देउवाले सो सम्मेलन केन्द्रको उद्घाटन गरेका हुन् । सोही केन्द्रमा आजै बुद्ध जयन्तीको अवसर पारेर विशेष कार्यक्रमको आयोजना गरिएको छ । कार्यक्रमलाई प्रधानमन्त्री देउवा र उनका भारतीय समकक्षी नरेन्द्र मोदीले सम्बोधन गर्नेछन् ।

पाँच वर्षअघि निर्माण थालिएको सम्मेलन केन्द्र पाँच हजार अट्ने क्षमताको रहेको छ । यसअघि बुद्ध जयन्तीको अवसरमा आयोजित हरेक कार्यक्रम अस्थायी टेन्ट टाँगेर गरिन्थ्यो । अब सुविधासम्पन्न विशाल हल बनेपछि सबैखाले सम्मेलन समारोहहरु यसै हलमा हुनेछन् ।