काठमाडौं । सरकारले आगामी आर्थिक वर्ष २०७९र८० का लागि १७ खर्ब ९३ अर्ब ८३करोड रुपैयाँको बजेट ल्याएको छ ।
संघीय संसदको संयुक्त बैठकमा आइतबार अर्थमन्त्री जनार्दन शर्माले बजेट भाषण गर्दै उक्त आकारको बजेट सार्वजनिक गरेका हुन् ।
अर्थमन्त्री शर्माका अनुसार चालुआर्थिक वर्षमा कुल विनियोजनमध्ये चालुतर्फ ७ खर्ब ५३ अर्ब ४० करोड अर्थात् ४२ प्रतिशत, पुँजीगततर्फ ३ खर्ब ८० अर्ब ३८ करोड अर्थात् २१ दशमलव २ प्रतिशत र वित्तीय व्यवस्थातर्फ २ खर्ब ३० अर्ब २२ करोड अर्थात् १२ दशमलव ८ प्रतिशत विनियोजन गरिएको छ ।
यसैगरी त्यसैगरी प्रदेश र स्थानीय तहमा वित्तीय हस्तान्तरणतर्फ ४ खर्ब २९ अर्ब ८३ करोड अर्थात् २४ प्रतिशत बजेट छुटयाइएको मन्त्री शर्मले जनाएका छन् ।
चालु आर्थिक वर्षमा बजेटको स्रोत जुटाउन १२ खर्ब ४० अर्ब ११ करोड राजस्व उठाउने लक्ष्य लिएको छ । यस्तै, २ खर्ब ५६ आन्तरिक ऋण उठाउने र ५५ अर्ब ४६ करोड वैदेशिक अनुदान लिने जनाइएको छ । यसैगरी थप स्रोतका लागि २ खर्ब ४२ अर्ब २६ करोड रुपैयाँ वैदेशिक ऋण लिइने छ ।
प्रतिक्रिया