काठमाडौं । प्रतिनिधिसभाको आजको बैंठकमा दुई मन्त्रालयको बजेटमाथि छलफल हुने भएको छ ।
अर्थमन्त्री जनार्दन शर्माले जेठ १५ गते बजेट पेश गरेका थिए । त्यसयता निरन्तर बजेटमाथि छलफल चलिरहेको छ ।
आज प्रतिनिधिसभाको बैठकमा शहरी विकास मन्त्रालय र स्वास्थ्य तथा जनसंख्या मन्त्रालयको बजेटमाथि छलफल हुने कार्यसूची रहेको छ । यसका लागि बिहान ११ बजे प्रतिनिधिसभाको बैठक बोलाइएको छ ।
यससँगै प्रधानमन्त्री तथा मन्त्रिपरिषद्को कार्यालय, राष्ट्रपतिको कार्यालय एवं उपराष्ट्रपतिको कार्यालय र राष्ट्रिय योजना आयोगको सचिवालयको बजेटका विषयमा पनि छलफल हुनेछ ।
बैठकमा नेपाल मजदुर किसान पार्टीका सांसद प्रेम सुवाल र राष्ट्रिय जनमोर्चाकी सांसद दुर्गा पौडेलले खचै कटौतीको प्रस्ताव दर्ता गराएका छन् । उनीहरुले विनियोजन विधेयक २०७९ अन्तर्गत छलफल हुने दुई मन्त्रालय र तीन निकायको उल्लिखित खर्च कटौतीको छुट्टाछुट्टै प्रस्ताव दर्ता गराएका हुन् ।
त्यस्तै, सांसद कृष्णभक्त पोखरेलले शहरी विकास मन्त्रालय शीर्षकको खर्च रकमलाई घटाई एक रुपैयाँमा कायम गरियोस् भनी खर्च कटौतीको प्रस्ताव दर्ता गराएका छन् ।
प्रतिक्रिया