काठमाडौं । प्रतिनिधिसभाले अर्थमन्त्री जनार्दन शर्मामाथि छानबिन गर्न ११ सदस्यीय संसदीय छानबिन समिति गठन गरेको छ ।
अर्थमन्त्री शर्माले आर्थिक वर्ष २०७९र८० को बजेट निर्माणका क्रममा अर्थमन्त्रालयमा अनधिकृत व्यक्ति प्रवेश गराएर करको दर हेरफेर गरेको र सीसीटीभी फुटेज डिलिटको विषय छानबिनका लागि संसदीय विशेष समिति गठन गरिएको हो ।
सभामुख अग्निप्रसाद सापकोटाले ११ सदस्यीय विशेष समिति गठन गरेको बैठकलाई जानकारी गराएका छन् । सो समितिमा सांसदहरु खगराज अधिकारी, देव गुरुङ, प्रदीप ज्ञवाली, भानुभक्त ढकाल, बिमला बिक, लक्ष्मणलाल कर्ण, शक्ति बस्नेत, सरला यादव, सीताराम महतो र सुरेन्द्र यादव रहेका छन् ।
समितिलाई १० दिनभित्र प्रतिवेदन तयार पारि प्रतिनिधिसभामा पेश गर्नुपर्ने जिम्मेवारी दिइएको छ ।
प्रतिक्रिया