जसपाबाट बाबुराम निस्काशित, अशोक राई बने संघीय परिषद् अध्यक्ष

खबर कुरा
३० असार २०७९, बिहीबार
                 

वीरगन्ज । जनता समाजवादी पार्टीको विवाद अन्ततः फुटको औपचारिकतामा पुगेको छ ।

अध्यक्ष उपेन्द्र यादव पक्ष र संघीय परिषद् अध्यक्ष बाबुराम भटट्राई पक्षबीचको विवाद फुटमा पुगेको हो ।

वीरगन्जमा जारी यादव पक्षको केन्द्रीय समिति बैठकले संघीय परिषद् अध्यक्ष भट्टराईसहित ९ जना कार्यकारिणी सदस्यलाई पार्टीबाट निस्काशन गरेको छ । बैठकले संघीय परिषद् अध्यक्षमा भट्टराईको ठाउँमा अशोक राईलाई चयन गरेको छ । भटट्राईसहित नेताहरु महेन्द्र राय यादव, हिसिला यमि, गंगानारायण श्रेष्ठ, प्रशान्त सिंह, भक्तबहादुर शाह, दानबहादुर चौधरी, रमेश यादव, दुर्गा सोबलाई पदमुक्त गरिएको नेताहरूले बताएका छन् ।

वीरगन्जमा यादव पक्षको बैठक बस्नु एकदिन अघि मंगलबार भट्टराई पक्षले काठमाडौंमा विस्तारित बैठक डाकेर अध्यक्ष यादवको भण्डाफोर गरेको थियो ।

यसमा तपाइको मत

Your email address will not be published.


*