काठमाडौं । पूर्वअर्थमन्त्री जनार्दन शर्माले बजेट निर्माणका क्रममा अर्थमन्त्रालयमा बाहिरका कोही मान्छे प्रवेश नगरेको बताएका छन् ।
बिहीबार संसदीय विशेष छानबिन समितिलाई ३ घण्टा बयान दिएका शर्माले आफ्नो विश्वास नलाले सुरक्षाकर्मी र मर्यादापालकलाई सोध्न आग्रह गरेका छन् । ‘बाहिरको मान्छे पस्ने कुनै सम्भावना छैन’, शर्माले बयानका क्रममा भनेका छन्, ‘पसेको भए थाहा भइहाल्थ्यो नि । त्यहाँ सुरक्षाकर्मी हुन्छन् । तपाईंहरूलाई मेरो विश्वास छैन भने सुरक्षाकर्मी र मर्यादापालकसँग सोधपुछ गर्न सक्नुहुन्छ ।’ ’
बयानमा शर्माले मन्त्रालयको सीसीटीभी फुटेजको स्टोरेज क्षमताबारे पनि आफुलाई थाहा नभएको बताएका छन् । सीसीटीभी फुटेज कहिलेसम्म रहन्छ ? के हुन्छ त्यो बारे मलाई केही जानकारी हुँदैन ।
स्थापित मूल्य, मान्यता, विधि, पद्धतिका आधारमा बजेट निर्माण गरिएको बताउँदै शर्माले अर्थमन्त्रालयका सम्बन्धित अधिकारीहरुबाहेक अन्य व्यक्ति संलग्न नभएको बताए ।
आर्थिक वर्ष २०७९र८० को बजेट निर्माणको क्रममा करको दर हेरफेर गर्न जेठ १४ गते राति मन्त्रालयमा अनधिकृत व्यक्ति संलग्न गराएको आरोप लागेपछि शर्माले २२ असारमा अर्थमन्त्री पदबाट राजीनामा दिएका थिए ।
सभामुख अग्निप्रसाद सापकोटाले सोही दिन बजेट प्रकरणबारे छानविन गर्न संसदीय छानविन विशेष समिति गठन गरेका थिए । १० दिनको समय दिइएको छानविन समितिले अहिलेसम्म आरोपलाई पुष्टि हुने यौटा पनि प्रमाण फेला पार्न सकेको छैन ।
प्रतिक्रिया