काठमाडौं । अर्थमन्त्री जनार्दन शर्माले पुनः अर्थ मन्त्रालयको पदभार सम्हालेका छन् ।
आइतवार राष्ट्रपति विद्यादेवी भण्डारीले शर्मालाई अर्थमन्त्री नियुक्त गरेपछि शर्माले अर्थमन्त्रालय पुगेर कार्यभार सम्हालेका हुन् ।
करको दर हेरफेरमा विवादित बनेपछि गत असार २२ गते राजीनामा दिएका शर्मा संसदीय छानबिन विशेष समितिबाट सफाइ पाएपछि पुनः अर्थ मन्त्रालयको जिम्मेवारी सम्हालेका हुन् ।
त्यसअघि अर्थमन्त्रालयका कर्मचारीहरुले शर्मालाई मन्त्रालयमा स्वागत गरेका थिए । कार्यभार ग्रहण गर्दै अर्थमन्त्री शर्माले गत आर्थिक वर्षको बजेट कार्यान्वयनमा भएका कमीकमजोरीलार्ई समीक्षा गर्दै चालु आर्थिक वर्षको बजेट कार्यान्वयन गरिने बताए । उनले आफुले आत्मनिर्भर र उत्पादनमुखी बजेट ल्याएकाले बजेट कार्यान्वयन गरेर अर्थतन्त्र सवलिकरणमा लागि पर्ने प्रतिवद्धता पनि जनाए
मन्त्री शर्माले मन्त्रालयका कर्मचारीहरुको सहकार्यमा काम गर्ने जनाए । बजेट कार्यान्वयनका लागि कर्मचारी सबैले सहयोग गर्नेमा आफू विश्वस्त रहेको उनले जनाए ।
प्रतिक्रिया