१९ माघ २०७९, बिहिबार | February 2, 2023

साउनमा मात्रै १७ संक्रमितको मृत्यु



काठमाडौं । नेपालमा ओमिक्रोन ‘बीएफाइभ’ प्रजाति देखिएसँगै कोरोना संक्रमण दर उच्च गतिमा बढिरहेको छ । पछिल्लो समय दैनिक हजारनजिक कोरोना संक्रमित देखिन थालेको छ । पछिल्लो एक सातामा संक्रमण दर उच्च गतिमा बढिरहेकै बेला अहिले १५ प्रतिशत हाराहारी पुगेको छ ।

पछिल्लो समय कोरोना संक्रमण दर मात्रै नभई मृत्यु हुनेको संख्यासमेत बढ्न थालेको छ । १ साउनयता मात्रै १७ संक्रमितको मृत्यु भएको तथ्यांक छ । तीमध्ये ६ जनाले खोप लगाएका थिएनन् भने अर्का एकले ‘एक डोज’ मात्र लिएको पाइएको छ ।

एउटा मात्रै खोप लगाएकोमा क्यान्सर, दम, उच्च रक्तचापजस्ता दीर्घरोगबाट ग्रस्त थिए । अहिले संक्रमणका कारण स्वास्थ्य जटिलता भएर सघन उपचार गराउनेको संख्यासमेत बढ्दै गएको छ । सघन उपचार पाइरहेकामध्ये धेरैजसो दीर्घरोगी रहेको चिकित्सकले बताएका छन् ।

गत २१ वैशाखदेखि ७३ दिनसम्म कोरोना मृत्यु शून्य रहेकामा १ र २ साउनमा कोभिड निमोनियाका कारण एक जनाको धरान र एकको काठमाडौंमा मृत्यु भएको थियो। यसपछि दैनिकजसो कोभिड-१९ संक्रमितको मृत्यु हुने दर बढिरहेको छ ।

स्वास्थ्य मन्त्रालयका सहप्रवक्ता डा. समीरकुमार अधिकारीका अनुसार खोप नलगाएकामा कडाखाले कोभिड संक्रमण देखिएको छ । मध्यम वा कडा लक्षण देखिए पनि त्यस्ता व्यक्ति केही दिनमै निको हुने गरेका छन् । खोप लगाएकाका हकमा मध्यमखाले कोरोनाको सामान्य लक्षण मात्रै देखिएको छ ।

डा. अधिकारीका अनुसार संक्रमण दरको ग्राफले अर्को लहरको संकेत गरेको छ । तर, अहिले नै आत्तिहाल्नुपर्ने अवस्था भने देखिँदैन । स्वास्थ्य मापदण्ड पालना गरे जोखिम घट्न सक्ने स्वास्थ्यकर्मी बताउँछन् । पछिल्लो साताको तथ्यांक हेर्दा गत १५ साउनमा ६ सय २० जनामा संक्रमण देखिएको थियो ।

त्यस्तै, १४ साउनमा ४ सय ३८ जनालाई संक्रमण देखिँदा दुई संक्रमितको मृत्यु भएको स्वास्थ्य मन्त्रालयले जनाएको छ । गत १३ साउनमा ५ सय ७७ जनामा संक्रमण देखिएको दुई जनाको मृत्यु भयो । १२ साउनमा ७ सय १० जनामा संक्रमण देखिँदा दुई जना र ११ साउनमा ५ सय ६४ जनामा संक्रमण देखिँदा एकको मृत्यु भएको थियो । नेपालमा पहिलोपटक ९ माघ २०७६ मा संक्रमण पुष्टि भएको थियो । दोस्रो संक्रमित १० चैतमा देखियो ।

दोस्रो संक्रमित देखिएपछि मुलुकभर लकडाउन भयो । पछिल्लो तथ्यांकअनुसार हाल नेपालभर ४४ जना आईसीयूमा छन् । ५ हजार ६ सय २ सक्रिय संक्रमित रहेका छन् । तीमध्ये सबैभन्दा बढी काठमाडौंमा ३ हजार १ सय छन् । ललितपुरमा ६ सय ९१ र भक्तपुरमा ७९ सक्रिय संक्रमित रहेको स्वास्थ्य मन्त्रालयले जनाएको छ । आजको राजधानी दैनिकमा निराजन पौडेलले यो समाचार लेखेका छन ।

प्रकाशित मिति : २० श्रावण २०७९, शुक्रबार  ७ : ११ बजे

मिस नेपालको आवेदन खुला

काठमाडौं । मिस नेपाल २०२३ का लागि आवेदन खुला गरिएको

उच्चस्तरीय संयन्त्रको बैठक बोलाउन रास्वपाको माग

काठमाडौं । राष्ट्रिय स्वतन्त्र पार्टी रास्वपाले सरकार संचालनका लागि गठन

नारायणगढ–मुग्लिन सडकमा भित्तो काट्न सकस

चितवन । चितवनको नारायणगढ–मुग्लिन सडकखण्डमा पर्ने पुल निर्माणका लागि भित्तो

नेपाल प्रहरीका ११६ डीएसपीको एकै पटक सरुवा (सूचीसहित)

काठमाडौं । प्रहरी प्रधान कार्यालयले ११६ जना डीएसपीको सरुवा निकालेको

नेपाल प्रहरीका ५३ प्रहरी उपरीक्षकको सरुवा (सूचीसहित)

काठमाडौं । प्रहरी प्रधान कार्यालयले नेपाल प्रहरीका ५३ जना प्रहरी