काठमाडौं । नेपाल भ्रमणमा रहेका चिनियाँ जनकंग्रेसका अध्यक्ष ली चाङ्सु र राष्ट्रियसभा अध्यक्ष गणेश तिमल्सिनाबीच भेटवार्ता भएको छ।
नयाँ बानेश्वरस्थित संसद भवनको अभि हलमा बिहान दुई अध्यक्षबीच भेटवार्ता भएको संसद सचिवालयले जनाएको छ । दुई अध्यक्षको एकल भेटवार्तापछि दुईपक्षीय प्रतिनिधिमण्डलबीच संयुक्त भेटवार्ता भएको थियो ।
चार दिने भ्रमणको क्रममा हिजो नेपाल आएका अध्यक्ष लीले आज एमाले अध्यक्ष केपी शर्मा ओली, माओवादी अध्यक्ष पुष्पकमल दाहाल प्रचण्डसँग छुट्टाछुट्टै भेटवार्ता गर्दैछन् । लीले आजै परराष्ट्रमन्त्री नारायण खड्कासँग भेट गर्दैछन् । यसैगरी राष्ट्रपति विद्यादेवी भण्डारी र प्रधानमन्त्री शेरबहादुर देउवासँग पनि ली ले शिष्टाचार भेट गर्ने कार्यक्रम रहेको छ । ली बिहीबार बिहान स्वदेश फर्किनेछन् ।
प्रतिक्रिया