बुटवल । राष्ट्रिय स्वतन्त्र पार्टीका लुम्बिनी प्रदेश संयोजक सुजन ज्ञवालीले स्वतन्त्र पार्टी परित्याग गरेका छन् । एमाले परित्याग गरी स्वतन्त्र पार्टीमा प्रवेश गरेका ज्ञवाली पुनः एमालेमै फर्किएका छन् ।
आइतबार विज्ञप्ती जारी गर्दै ज्ञवालीले केही समय अगाडि आएको स्वतन्त्र पार्टीको हावाले आफूलाई पनि छोएको तर बुझ्दै जाँदा सबै भ्रम रहेको पुष्टि भएपछि सो पार्टीमा रहनुको अर्थन नदेखेर परित्याग गरेको जनाएका छन् । साढे दुई महिना सो पार्टीको लुम्बिनी प्रदेशको नेतृत्व तहमा बसेपछि प्राप्त भएको अनुभवले एमाले नै सच्चा पार्टी ठानेर पुरानै घर फर्किएको उनले विज्ञप्तिमा उल्लेख गरेका छन् ।
“करिब अढाई महिना राष्ट्रिय स्वतन्त्र पार्टीको प्रादेशिक नेतृत्वमा रहेर हेरे, बुझे र अनुभव गरे । त्यति मात्र नभइ केन्द्रका गतिविधि नजिकबाट नियाले । तर यथार्थ त्यो रहेनछ, केबल भ्रम मात्र रहेछ”–उनले विज्ञप्तीमा उल्लेख गरेका छन् ।
प्रतिक्रिया