बुटवल । नेकपा एमालेका उपाध्यक्ष तथा नव निर्वाचित प्रतिनिधिसभा सदस्य विष्णु प्रसाद पौडेलले संवाद र सहमतीमा अघि बढ्न दलहरुलाई आग्रह गरेका छन् ।
साझा आवश्यकताहरुलाई पहिचान गरी दलहरु अघि बढ्न आह्वान गरेका छन् । विवाद र दुरी खोजेर नभई संवाद र सहमती खोजेर अघि बढ्नु पर्ने आवश्यकता अौल्याएका छन् ।
मंसिर-४ मा सम्पन्न प्रतिनिधि तथा प्रदेश सभाको निर्वाचनको अन्तिम मत परिणामपछि निर्वाचित भएको प्रमाणपत्र बुझे लगत्तै बुटवल नगर परिक्रमापछि आयोजित कोणसभामा बोल्दै पौडेलले सबै दल मिलेर साझा अवधारणाकासाथ अघि बढ्नु पर्ने बताए ।
मतदाता तथा निरवाचनमा सहभागी सबै दल तथा स्वतन्त्र उम्मेदवारहरुलाई समेत धन्यवादसहित आभार व्यक्त गर्दै आफूले सबैलाई समेटेर अघि बढ्नेप्रतिवद्धता व्यक्त गरेका छन् ।
जनताको सम्मान र स्वाभिमानमा आच आउन नदिने गरि नेकपा एमालेले जनाएका चुनाबी प्रतिवद्धताहरु पूरा गर्ने पौडेलले प्रतिवद्धता गरे । रुपन्देहीमा निर्माणाधिन आयोजनाहरुको प्रभावकारी कार्यान्वयनका जोड दिँदै जनअपेक्षा अनुसार अघि बढ्ने उल्लेख गरे ।
सोही कार्यक्रममा बोल्दै रुपन्देही-२(१) बाट प्रदेशसभाका लागि निर्वाचित एमाले नेता लिला गीरीले सामुहिक भावनालाई समेट्नेगरी अघि बढ्ने उल्लेख गरे । यसैगरी प्रदेशसभा तर्फ रुपन्देही-२ (२) बाट निर्वाचित भोजप्रसाद श्रेष्ठले सुशासन र भ्रषटाचारमा शून्य सहनशिलता अपनाएर जनताको सेवामाअघि बढ्ने उल्लेख गरे ।
प्रतिक्रिया