काठमाडौं । सत्ता साझेदार दलहरुको बैठक सुरु भएको छ । शक्ति बाँडफाँड र सरकारको साझा रणनीतिबारे छलफल गर्न सत्ता साझेदार दलहरुको बैठक सुरु भएको हो ।
प्रधानमन्त्रीको सरकारी निवास बालुवाटारमा बसेको सातदलीय सत्ता साझेदार दलको बैठकमा प्रधानमन्त्री पुष्पकमल दाहाल प्रचण्डसहित सरकारलाई समर्थन गरेका दलका शीर्ष नेताहरुको सहभागिता रहेको छ ।
सरकार गठन भए पनि मन्त्रिपरिषद्ले पूर्णता पाएको छैन । आजको बैठकमा मन्त्रिपरिषद् विस्तार र शक्ति बाँडफाँटका विषयमा छलफल हुनेछ । यस्तै प्रदेश सरकार गठनका विषयमा पनि छलफल हुने बताइएको छ । यसअघि बुधबार खुमलटारमा प्रधानमन्त्री प्रचण्ड र एमाले अध्यक्ष ओलीबीचमा छलफल भएको थियो ।
आजकै बैठकमा सरकारलाई समर्थन गरेका तर सहभागी नभएका राप्रपा लगायतका दलहरुलाई सरकारमा सहभागी गराउनेबारेमा पनि छलफल गरिने बताइएको छ ।
प्रतिक्रिया