सुर्खेत । सुर्खेतमा १ जना प्रहरी जवानको कञ्चटमा गोली लागेको अवस्थामा मृत फेला परेका छन् ।
कर्णाली प्रदेश प्रहरी गणमा कार्यरत प्रहरी जवान २६ वर्षीय कवीन्द्र बिक कञ्चटमा गोली लागेको अवस्थामा मृत फेला परेका हुन् ।
जिल्ला प्रहरी कार्यालय सुर्खेत स्रोतका अनुसार घटना बिहीबार बिहान २:५६ बजेतिरको हो । विक आफैंले बोकेको एसएलआरको गोली उनको दायाँ कञ्चटमा लागेको छ ।
प्रहरी जवान बिक ड्युटीमै भएका बेला घटना भएको हो । बिकको शव परीक्षणका लागि कर्णाली प्रदेश अस्पताल पठाइएको छ ।
प्रतिक्रिया