काठमाडौं । प्रदेश १ को राजधानी कोशी राख्न प्रदेशसभा सचिवालयमा प्रस्ताव दर्ता भएको छ ।
बुधबार एमाले प्रदेशसभा सदस्य रामबहादुर मगरले प्रदेशको नाम कोशी राख्ने प्रस्ताव प्रदेशसभा सचिवालयमा दर्ता गराएका हुन् । यस प्रस्तावको समर्थकमा नेपाली का्रंग्रेसका सांसद कांग्रेसका भूमिप्रसाद राजवंशी र अर्का सांसद निरन राई रहेका छन् ।
प्रदेशसभा सचिवालयले दिउँसो १ बजेसम्मको समय दिएको थियो । सो समयभित्र एकीकृत समाजवादी र जनता समाजवादी पार्टीका सांसदहरुले भने प्रदेशको नाम ‘किरात लिम्बुवान सगरमाथा’ हुनुपर्ने भन्दै अलग्गै प्रस्ताव दर्ता गराएका छन् ।
प्रस्तावको प्रस्तावकमा एकीकृत समाजवादीका सांसद कमलप्रसाद जवेगु रहेका छन् भने समर्थन जसपा सांसद निर्मला लिम्बूले गरेकी छन् ।
नेकपा माओवादी केन्द्रले भने कोशी नाममा समर्थन गर्ने जनाउन दिएको छ । यसअघि एमाले र कांग्रेसबीच प्रदेशको नाम कोसी राख्ने सहमति भएको थियो ।
प्रतिक्रिया