काठमाडौं । आइसिसी विश्वकप क्रिकेट लिग-२ को अन्तिम खेलमा यूएईले दिएको ३११ रनको लक्ष्य पछ्याउने क्रममा खराब शुरूआत गरे पनि कुशल भुर्तेलले अर्धशतक पूरा गरेका छन् ।
उनले ३२ बलमा अर्धशतक बनाएका हुन् । यस क्रममा उनले ४ छक्का र ३ चौका प्रहार गरे । त्रिभुवन विश्वविद्यालय, किर्तिपुरको खेल मैदानमा ७ ओभर नपुग्दै ३ विकेट गुमाएको नेपालले यूएईविरुद्ध अहिले भने केही सम्हालिएर प्रदर्शन गरेको छ ।
यसअघि नेपालका ओपनर ब्याटर आशिफ शेख खाता नखोली आउट भए भने कुशल मल्ल ५ बलमा ५ रन बनाएर आएट भएका थिए भने कप्तान रोहित पौडेललाई पनि नेपालले १६ रनमै गुमाएको थियो ।
अहिले क्रिजमा कुशल भुर्तेल र भीम सार्की छन् ।
यूएईले पूरा ओभर खेल्दै ३१० रन बनाएको थियो । उसका लागि आशिफ खानले शतकीय पारी खेलेका थिए । उनले मात्र ४१ बलमा १०० रन बनाएका हुन् ।
प्रतिक्रिया