काठमाडौं । पूर्वप्रधानमन्त्री डा. बाबुराम भट्टराई आइतबार पुस ६ गते भारत भ्रमणमा जाने भएका छन्।
भट्टराईको सचिवालयका अनुसार भारत भ्रमणका क्रममा डा. भट्टराईले भारतका बौद्धिक, कूटनीतिक तथा शैक्षिक क्षेत्रका प्रतिनिधिहरूसँग नेपाल–भारत सम्बन्ध, क्षेत्रीय सहकार्य र लोकतान्त्रिक अभ्याससँग सम्बन्धित समसामयिक विषयमा विचार–विमर्श गर्नेछन्।
त्यसैगरी, उनी आईआईटी बम्बईमा आयोजित कार्यक्रममा मुख्य वक्ताका रूपमा ‘की–नोट’ मन्तव्य दिने कार्यक्रम छ। साथै, दिल्लीस्थित इन्डिया इन्टरनेसनल सेन्टरमा आयोजना हुने कार्यक्रममा पनि प्रमुख वक्ताका रूपमा सहभागी हुनेछन्।
डा. भट्टराई पुस ९ गते स्वदेश फर्कने कार्यक्रम रहेको छ।
प्रतिक्रिया