१६ चैत्र २०८०, शुक्रबार | March 29, 2024

नेवाः सेवा समिति १४ औ वर्षमा, खबरकुराकर्मी श्रेष्ठ सम्मानित



बुटवल । नेवारी संस्कार संस्कृति संरक्षणसंगै सामाजिक कार्यमा अग्रसर हुने उद्देश्यले बुटवलमा क्रियाशिल श्री नेवाः सेवा समिति स्थापनाको १४ वर्ष पुगेको छ । समितिले १४ औ वार्षिक उत्सव तथा साधारण विविध कार्यक्रमगरि सम्पन्न गरेको छ । साधारणसभाको एक समारोहका बिच समाजसेवी रबिन्द्र गोपाल लाकौलले उद्घाटन गरे ।

उदघाटन कार्यक्रममा बोल्दै नेवाः दय दबुका केन्द्रीय सदस्य देवकुमार श्रेष्ठले ब्यापारिक र आर्थिक रुपमा समाज रुपान्तरणमा नेवार समुदायको योगदान दिएको बताए ।

सल्लाहकार नवराज श्रेष्ठले १४ वर्षको अवधिमा भवन निर्माण, धिमे बाजा सिकाउने, विभिन्न सामाजिक गतिविधिमा सेवा समिति अग्रसर देखिएको बताए ।

नेवाः दय दबुका लुम्बिनी प्रदेश समितिका बरिष्ठ उपाध्यक्ष बाबुराम श्रेष्ठले नेवार समुदायलाई संगठित गर्दै अन्य समुदायलाई पनि समेटेर सामाजिक सेवा गर्नु पर्ने बताए ।

समितिका अध्यक्ष चिरञ्जीवी श्रेष्ठले संस्थाको वार्षिक प्रगति प्रतिवेदन पेश गर्दै संस्थागत रुपमा संस्कार, संस्कृति संरक्षणको अभियान निरन्तर चलाइदै आएको बताए ।

कार्यक्रममा समितिका सचिव शारदा श्रेष्ठले प्रगति प्रतिवेदन र कोषाध्यक्ष दल बहादुर श्रेष्ठले आर्थिक प्रतिबेदन प्रस्तुत गरेका थिए ।

महिला समितिका अध्यक्ष तारा श्रेष्ठ, बुटवल उपमहानगरपालिका वडा नं ११ का वडाअध्यक्ष रामचन्द्र क्षेत्री, वडा नं ९ का वडा अध्यक्ष प्रदिप श्रेष्ठलगायतले साधारणसभाको सफलताको शुभकामना व्यक्त गरे । उनीहरुले सेवा समितिबाट अक्षय तृतिय, जाईजात्रा, नेवारी खाजा महोत्सव, कैता पुजा, युवाहरुलाई धिमे बाजा सिकाउने, नेवारी भाषा कक्षा चलाएर संस्कृति जगेर्नाको काममा संस्थाको अभियान महत्वपुर्ण रहेको भन्दै प्रशंसा गरेका थिए ।

खबरकुराकर्मी श्रेष्ठ सम्मानित

कार्यक्रममा संचार क्षेत्रबाट योगदान दिएको भन्दै खबरकुरा अनलाईनका सम्पादक दिनेश कुमार श्रेष्ठलाई नगदसहित सम्मान गरिएको थियो । नेवाः भाषा संस्कृति र समुदायको हितमा कलम चलाए बापत उनलाई सम्मान गरिएको समितिका अध्यक्ष चिरन्जिवी श्रेष्ठले बताए ।

यसैगरि जेष्ठ नागरिक सम्मानबाट समितिका ओमप्रकाश श्रेष्ठ, जन्मप्रसाद श्रेष्ठ, दुर्गालक्ष्मी जोशी, पुरुषोत्तम राम श्रेष्ठ, चन्द्र कुमारी श्रेष्ठ, कृष्ण प्रसाद श्रेष्ठ, कृष्णकला श्रेष्ठ, सितादेवि गंगालक्ष्मी सुवाल, चमेली देवि श्रेष्ठलाई सम्मानपत्र तथा दोसल्लाबाट सम्मान गरिएको थियो । सधारणसभाकैबीच नेवाः सेवा समिति आवद्ध परिवारबाट प्लस टुमा उत्कृष्ट नतिजा ल्याउने छात्रछात्रा तथा रक्तदान कार्यक्रममा सहभागी हुने रक्तदाताहरुलाई सम्मान गरिएको थियो । समितिमा २ सय ३२ जना सदस्यहरु रहेका छन् ।

प्रकाशित मिति : ४ चैत्र २०७९, शनिबार  ८ : ४१ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका