नेपालगन्ज । नेपालीहरुको मौलिक संबत नेपाल संवत ११४५ को अवसरमा नेपालगन्जमा भिन्तुना र्याली हुने भएको हो । नेवाः पुच बाँकेको संयोजनमा आज नेपालगन्जमा भएको नेवाः समुदायको संघ संस्थाहरुको भेलाले नेपाल संबतका अवसरमा नेपालगन्जमा भिन्तुना र्याली आयोजना गर्ने निर्णय गरेको हो ।
भेलामा सहभागी नेवाः अगुवाहरुले नेपाल संवत नेवार समुदायको मात्र नभएकाले सबैले अपनत्व लिने गरि कार्यक्रम गर्न आयोजकलाई सुझाएका थिए । उनीहरुले नेवाः सहित अन्य जाती, भाषा र सम्प्रदायका अगुवाहरुलाई पनि भिन्तुनामा आमन्त्रण गरि सबैलाई नेपाल संवतको महत्व दर्शाउनुपर्नेमा जोड दिएका थिए ।
कार्यक्रममा बोल्दै नेवाः पुचका पार्षद एवं बरिष्ठ पत्रकार पूर्णलाल चुकेले नेपाल संवत हरेक नेपालीको साझा संवत भएकाले सबैले यसको अपनत्व लिनु पर्ने बताए ।
लायन अगुवा ज्ञानेन्द्र श्रेष्ठले नेपाल संवतलाई नयाँ ढंगले मनाएर सबैलाई समेट्न आयोजकलाई सुझाव दिए ।
नेवाः पुचका अध्यक्ष जितेन्द्र कुमार जोशीको अध्यक्षतमा भएको छलफलमा नेवाः सम्बद्ध पुचः गुठी र खलका अध्यक्ष तथा पदाधिकारीहरुले भिन्तुना र्यालीलाई भब्य बनाउने प्रतिबद्धता ब्यक्त गरेका थिए ।
प्रतिक्रिया