काठमाडौं । मन्त्रालय बाँडफाँटबारे सहमति जुटाउन सत्ता गठबन्धनका दलहरुको बैठक बसिरहेको छ ।
बुधबार आज बिहान बसेको बैठकमा सहमति जुट्न नसकेपछि दिउँसो ३ बजेसम्मका लागि बैठक स्थगित भएको थियो ।
अहिले बसिरहेको बैठकमा मन्त्रालय भागवण्डा र सरकारको न्यूनतम साझा कार्यक्रमबारे छलफल भैरहेको बताइएको छ ।
बैठकमा सहमति प्रधानमन्त्री पुष्पकमल दाहाल प्रचण्डले केही मन्त्रीलाई सपथ गराउने तयारी गरेका छन् । उनले आज बिहानको बैठकमा सबै दलबाट एक एक जना मन्त्रीको नाम दिन आग्रह गरेका थिए । तर, एकीकृत समाजवादी र जनता समाजवादी पार्टीले तीन तीन मन्त्री एवं अन्य साना पार्टीले दुईदुई मन्त्रीको मागमा अडान कायमै राखेपछि बैठक दिउँसोसम्मका लागि स्थगित भएको थियो ।
यद्यपी, एकीकृत समाजवादीले बेदुराम भुसाल र प्रकाश ज्वालालाई मन्त्री बनाउने तयारी गरेको छ ।
प्रतिक्रिया