काठमाडौं । नेपाल आयल निगमले पेट्रोलियम पदार्थको मूल्य घटाएको छ।
निगमले सोमबार जारी गरेको विज्ञप्तिअनुसार पेट्रोलमा ३ रुपैयाँ मूल्य घटेको छ । यसअघि १७८ रूपैयाँ प्रतिलिटर रहेको पेट्रोलको मूल्य अब घटेर १७५ रूपैयाँ पुगेको छ।
सबैभन्दा धेरै मूल्य भने डिजेल, मट्टितेल र हवाई इन्धनमा घटेको छ । यी तीनैवटामा १०/१० रूपैयाँ घटेको छ। यसअघि यसअघि डिजेलरमट्टितेलको मूल्य प्रतिलिटर १७५ रूपैयाँ रहेकोमा अब भने १६५ रूपैयाँ प्रतिलिटर भएको छ ।आन्तरिकतर्फ हवाई इन्धन प्रतिलिटर १ सय ६० रुपैयाँमा झरेको छ ।
नयाँ मूल्यसूची सोमबार मध्यराति १२ बजेदेखि लागू हुने निगमले जनाएको छ।
प्रतिक्रिया