बुटवल । कपिलवस्तु जिल्ला अदालतले जिल्ला अदालतबाट हालै सरुवा भएका एक जना न्यायाधीशलाई पक्राउ गर्न प्रहरीलाई अनुमति दिएको छ ।
न्यायाधीशकी श्रीमतीले दिएको जबरजस्ती करणीको उजुरीपछि न्यायाधीश भुवन गिरीमाथि अदालतले पक्राउ पुर्जी जारी भएको हो ।
लामो समयदेखि न्यायको खोजीमा रहेकी न्यायाधीश गिरीकी श्रीमतीले जिल्ला प्रहरी कार्यालय कपिलवस्तुमा वैवाहिक जबरजस्ती करणीको उजुरी दिएकी थिइन् । जिल्ला प्रहरी कार्यालय कपिलवस्तुले न्यायाधीश गिरीलाई पक्राउ गरी अनुसन्धान गर्न माग गर्दै अदालत समक्ष पक्राउ पुर्जी जारी गर्न माग गरे बमोजिम पक्राउ पुर्जी जारी भएको प्रहरीको उच्च स्रोतले जनाएको छ ।
गिरीको हालै कपिलवस्तु जिल्ला अदालतबाट न्याय परिषदमा सरुवा भएको छ । लामो समयदेखि आफुमाथि करणी हुने गरेको सार्वजनिक गरेपनि आधिकारीक निकायबाट त्यस उपर कारवाही अगाडि बढ्न सकेको थिएन ।
प्रतिक्रिया