सामाजिक सञ्जालबाट आक्रोश पोख्दै महानगरप्रमुख बालेनले गरे शनिबारको उपयोग

काठमाडौं । काठमाडौं महानगरपालिकाको मेयर बालेन साहल सामाजिक सञ्जालमा स्टाटस हाल्दै शनिबारको उपयोग गरेका छन् । बिहान फहोरसँग नेताहरुलाई सिस्डोलमा डम्प गरिदिनुपर्ने विचार पोष्ट गरेका बालेनले त्यस लगत्तै फुटपाथ मिचेर प्रहरी बिट बनाएको भन्दै आक्रोश पोखेका छन् ।

फोहोरको बिषयलाई लिएर बिहान बिहानै आक्रोशित मुडमा आएका मेयर साह त्यस लगत्तै प्रहरी माथी आक्रोशित भएका हुन । महानगरपा क्षेत्र भित्र फुटपाथ मिचेर बनाइएको भन्दै प्रहरी बिटहरुको तस्विर पनि उनले सार्वजनिक गरेका छन ।

उनले सामाजिक सञ्जालमा लेखेका छन्, ‘फुटपाथ सँधै मान्छे हिड्नका लागि प्रयोग हुनु पर्छ भनेर हामीले फुटपाथमा व्यापार गर्न रोकेका छौँ । यो नियम सर्वसाधारणका लागि मात्रै होइन । सबैका लागि हो र हुनु पर्छ’, उनी अगाडि लेख्छन्, ‘कानुन कार्यान्वयन गर्ने नेपाल प्रहरीले नै बाटो मिचेर आफ्नो संरचना बनाउँछ भने त्यो गलत हुन्छ । त्यो संरचना प्रहरी आफैले हटाउनुहोला, नत्र समतामुलक कानुनको प्रयोगको लागि पनि हामी ति संरचना हटाउन बाध्य हुनेछौँ ।’

मेयर साहले फुटपाथ मिचेर संरचना बनाएको भन्दै बिभिन्न देशका राजदुतावासलाई पनि पत्राचार गरेको जनाएका छन । ‘राजदुतावास लगायत विदेशी नियोगका हकमा पनि हामीले सम्बन्धित मन्त्रालयलाई काम अगाडि बढाइदिन पत्राचार गरिसकेका छौँ,’ उनले भनेका छन, ‘कानुन सर्वसाधारण नागरिकका लागि र अरुका लागि अलग्गै हुन्न भन्ने तथ्य स्थापित गर्न हामी तयार हुनु पर्छ । तयार बनौँ ।’